| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 20.42 | Dem. 20.46 (English) | >>Dem. 20.49 |
20.44τοῦτον μέντοι τὸν τῷ μὲν ἔργῳ παρὰ τοὺς μεγίστους καιροὺς οὑτωσὶ κοινὰ τὰ ὄντα τῷ δήμῳ κεκτημένον , τῷ δὲ ῥήματι καὶ τῇ τιμῇ τὴν ἀτέλειαν ἔχοντα , οὐχὶ τὴν ἀτέλειαν ἀφαιρήσεσθε (οὐδὲ γὰρ οὔσῃ χρώμενος φαίνεται ), ἀλλὰ τὸ πιστεύειν ὑμῖν , οὗ τί γένοιτʼ ἂν αἴσχιον ; τὸ τοίνυν ψήφισμʼ ὑμῖν αὔτʼ ἀναγνώσεται τὸ τότε ψηφισθὲν τῷ ἀνδρί . καὶ θεωρεῖτʼ , ὦ ἄνδρες Ἀθηναῖοι , ὅσα ψηφίσματʼ ἄκυρα ποιεῖ ὁ νόμος , καὶ οἵους ἀνθρώπους ἀδικεῖ , καὶ ἐν ὁποίοις καιροῖς χρησίμους ὑμῖν παρασχόντας ἑαυτούς · εὑρήσετε γὰρ τούτους , οὓς ἥκιστα προσῆκεν , ἀδικοῦντα . λέγε .τὰς μὲν εὐεργεσίας ἀνθʼ ὧν εὕρετο τὴν ἀτέλειαν ὁ Ἐπικέρδης ἀκηκόατʼ ἐκ τῶν ψηφισμάτων , ὦ ἄνδρες δικασταί . σκοπεῖτε δὲ μὴ τοῦτο , εἰ μνᾶς ἑκατὸν καὶ πάλιν τάλαντον ἔδωκεν (οὐδὲ γὰρ τοὺς λαβόντας ἔγωγʼ ἡγοῦμαι τὸ πλῆθος τῶν χρημάτων θαυμάσαι ), ἀλλὰ τὴν προθυμίαν καὶ τὸ αὐτὸν ἐπαγγειλάμενον ποιεῖν καὶ τοὺς καιροὺς ἐν οἷς .
20.46πάντες μὲν γάρ εἰσιν ἴσως ἄξιοι χάριν ἀνταπολαμβάνειν οἱ προϋπάρχοντες τῷ ποιεῖν εὖ , μάλιστα δʼ οἱ παρὰ τὰς χρείας , ὧν εἷς οὗτος ἁνὴρ ὢν φαίνεται . εἶτʼ οὐκ αἰσχυνόμεθʼ , ὦ ἄνδρες Ἀθηναῖοι , τοὺς τοῦ τοιούτου παῖδας εἰ μηδεμίαν ποιησάμενοι τούτων μηδενὸς μνείαν ἀφῃρημένοι φανούμεθα τὴν δωρειάν , μηδὲν ἔχοντες ἐγκαλέσαι ;
Ψήφισμα
20.45
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 20.42 | Dem. 20.46 (English) | >>Dem. 20.49 |
